| Материалдар санатында: 147 Материалдар көрсетілді: 31-40 |
Беттер: « 1 2 3 4 5 6 ... 14 15 » |
Бойынша іріктеу: Дате↓ · Названию · Рейтингу · Комментариям · Просмотрам
|
Көңілде көктеп махаббат гүлі, нұр гүлі,
Естілсін үйден күміс күлкінің сыңғыры.
Өрісі кеңіп бабадан қалған әулеттің,
Тербелсін бесік, естілсін сәби былдыры.
Адами ғұмыр болары айқын бір нүкте,
Жақсылық келер ынтымақ барда, бірлікте.
Бас қосқан жастар Сіздерге үлкен тілегім,
Біріңе бірің сүйеніш болғын тірлікте.
|
-
ПІКІР ҚАЛДЫРУ
Рейтинг: 0.0-
Санаты: Үйлену тойына орай
|
Жақсы сөз айт, жақсыға ойың бұрылсын,
Жүрегіңнен көп ізгілік тірілсін.
Жақсы жерге жатқан жақсы түс көрер,
Жақсылардан жеткен сен де жұрынсың.
Жақсы сөз айт, жақсы тілек тілегін,
Жақсы сөз де – жарым ырыс, тірегің.
Жас – отауың – бас – отауға айналсын,
Өркен жайған жапырағым, жүрегім!
- деп, айналайын, жақсылардың жалғас жұрыны қос балапаным, бүгінгі шаңырақ көтерген тойларың құтты болсын!
|
-
ПІКІР ҚАЛДЫРУ
- Рейтинг: 0.0
-
Санаты: Үйлену тойына орай
|
Бала-ортақ,
Жатсын, құда құрметтеп,
Құдалық-сын,
Ол да өзінше бір мектеп.
Қарсы аламын төбеге тік көтеріп,
Құда-жекжат жатса егерде іздеп кеп.
Екі бала бәрімізді сыйлы етсін,
Күйеу демен,
өз ұлым деп жүрмекпін.
Қызыңдай көр,
Құдаға айтар қолма қол,
Ал, құдағи білмей жатса үйреткін.
Құлаққағыс,
Айттым-құда назын жай,
Күй кернесін Құрманғазы сазындай.
Екі бала ортақ бізге, сондықтан,
Мың жылдыққа
Жүрсін құшақ жазылмай!
|
-
ПІКІР ҚАЛДЫРУ
- Рейтинг: 0.0
-
Санаты: Үйлену тойына орай
|
Табыстырып махаббат-алау, жалын,
Орындапты екі жас пәк арманын.
Біріңді-бірің сүйіп, отау құрдың,
Құтты болсын алғашқы қадамдарың.
Өмір-керуен,
Әлі алда сынар күн,
Көрініңдер қасынан жақсылардың.
Ақ батамды беремін қос батама,
Бір құдай мен құдама тапсырамын.
Сарқылмасын сыйластық, сіз-бізіміз,
Қуанышсыз өтпесін бір күніміз.
Ұяда ұл-қыз өрбіп өнегелі,
Жарқырай берсін бақыт-жұлдызымыз.
Жүрмейді ешқашанда жүрекке әмір,
Мәңгілік екі жасты бір ет, тәңір!
Түтіні түзу өрлеп жас отаудың,
Болсыншы біздер айтқан тілек қабыл!
|
-
ПІКІР ҚАЛДЫРУ
- Рейтинг: 0.0
-
Санаты: Үйлену тойына орай
|
Әкесіне – ұл айбын,
Шешесіне қыз – айдын.
Келінді сүйіп маңдайдан,
Бергені деп құдайдың.
Бағын аш деп Алладан,
Амандығын сұраймын.
Көсегесі көгеріп,
Бала-шаға көп өніп,
Өндірдей екі өркенің,
Қуанышын көрейік,
Батамызды берейік.
Тоймен өтсін талай күн,
Тең-құрбыдан қалыспай,
Алды болсын талайдың!
|
-
ПІКІР ҚАЛДЫРУ
- Рейтинг: 0.0
-
Санаты: Үйлену тойына орай
|
Көп тілекті көксейді ғой көкейім,
Жарықтарым, садағаң боп кетейін.
«Қыз-жат жұрттық» -
Деген бабамыз,
Ет жүрегім елжірейді, не дейін?
Өмір жолы түзу емес, бұралаң.
Талайларды талқыға сап сынаған.
Қарлығаштай қанатымен су сепкен,
Бір-біріне қамқор бол деп сұранам.
Ұл-ата ізін,
Қыз басады ана ізін,
Үлкен сыйлау – екеуіңнің парызың.
Туыс-туған, ата-анаңды қадірлеп,
Аяулысы бола білгін жарыңның.
Бәйтерегім ең, жайқалсын жасыл желегің,
Өрісің кеңіп, ырысың тассын, өренім.
Шаңырағың шалқып,
Өзгеге жүрсең үлгі боп,
Марқайып біз,
Бағымыз жанды дер едім.
Ертеңіңді ойлап,
Елжіреп жүрек, толқыдым,
Күйеуі-тірек,
Жан-жары болар көркі үйдің.
Қия өтпей, қызым,
Бабаңның салтын сақтағын,
Керегесі алтын –
Келіні жақсы болса үйдің!
|
-
ПІКІР ҚАЛДЫРУ
- Рейтинг: 0.0
-
Санаты: Үйлену тойына орай
|
Көктегі – жұлдыз ұл мен қыз,
Ата-ана үміт жалғаған.
Бәрі де бабам жүрген із,
Жалғасып жатыр арман-ән.
Атадан қалған мұраны,
Жатады жампоз ұл жалғап.
Ұл-қияның қыраны,
Қыз-құлпырған қызғалдақ.
Өнегелі ұл өсір,
Тәлімі жақсы тектіден.
Тілеуін соның тілесе ел,
Ниеті қабыл деп білем.
Құс болып көкке самғайды,
Қыз іздеп бақыт бөгде үйден.
Ата-анасын сыйлайды,
Көргенді келін, жөн білген.
Еңсесі асқақ шыңдардай,
Туысы бөлек дүлдүлдей,
Көктегі құс сұңқардай,
Үйленген мына екі жас
Мәңгілікке бір жүргей!
|
-
ПІКІР ҚАЛДЫРУ
- Рейтинг: 0.0
-
Санаты: Үйлену тойына орай
|
Әркім іздер тіршіліктен өз бағын,
Қолға қонды
Жұлдыз деп қол созғаның.
Қосағыңмен қоса ағарғын, бауырым,
Махаббатың – маңдайына жазғаның.
Сүйген жүрек
Неге болсын шыдайды,
Жан сүйінтер
Жарық қандай шырайлы!
Шайқалмасын жас отаудың іргесі,
Өмір әлі қиындықпен сынайды.
Тағдыр қосып,
Табылыпты қосағың,
Әлі-ақ толар жабдығың мен жасауың.
Шаттық толы шаңыраққа айналсын,
Керегесін кеңге жайып отауың.
|
-
ПІКІР ҚАЛДЫРУ
- Рейтинг: 0.0
-
Санаты: Үйлену тойына орай
|
Жарқырап босаға аттап тұр ақмаңдай,
Қалайша шыдай алам сыр ақтармай.
Ғұмыры, игілігі ұзақ болсын,
Қосылып қатар аққан бұлақтардай.
Өмірдің
Өрлеп шықсын белесіне,
Мұхитқа жетсін жүзіп кемесі де.
Бір үйдің әлпештеген еркесі екен,
Ата мен сыйлы болсын енесіне.
Үлкенді қадірлеуден жалықпағын,
Жарқылда –
Жарыңның да тауып бабын.
Қадірлеп,
Айналайын – бір-біріңді
Қырандай қия шыңға шарықтағын!
|
-
ПІКІР ҚАЛДЫРУ
- Рейтинг: 0.0
-
Санаты: Үйлену тойына орай
|
Асып – тасып қуанышы, жер-көктің,
Шаршы топты шат сезіммен тербеттім.
Баршаңызды дастарханға шақырам,
Ағайындар, қане, төрге төрлеткін.
Ақ ту қадап армандарға алдағы,
Қос көгершін көкке бүгін самғады.
Отау тікті қол ұстасып екі жас,
Орындалып ата-ананың арманы.
Өмір алда,
өткелдерден өтер көп,
Ата-ана мәз, бір баласы екеу боп.
Құда-жекжат,
Туыс-туған жиналды,
Щаттық ортақ, осы тойда бөтен жоқ.
Берік болсын босағасы жастардың,
Ассын биік асуынан асқардың.
Жас жұбайлар тойын-тойға ұласып,
Отау болсын өнегелі қос балғын.
|
-
ПІКІР ҚАЛДЫРУ
- Рейтинг: 0.0
-
Санаты: Үйлену тойына орай
Біз әлеум.желідеміз
 |
 |
 |
 |
 |
 |
 |
Онлайн всего: 0
Гостей: 0
Пользователей: 0
Күрке
Санаты
Сұрау
