Отау көтерген мерей тойларға - Дәстүрлі тойларға - Қазақ тіліндегі құттықтау сөздер мен тілектер








Отау көтерген мерей тойларға

Материалдар санатында: 21
Материалдар көрсетілді: 1-10
Беттер: 1 2 3 »

Бойынша іріктеу: Дате · Названию · Рейтингу · Комментариям · Просмотрам
Санаттан алынған материалдар "Отау көтерген мерей тойларға"
0
Абзал ата-анамыз! Өмір өзені бүгінде Сіздерді тамырын тереңге жайған алып бәйтерекке ұқсатты. Ұл-қыздарыңыздан сүйген  немере-шөберелерің осының жарқын айғағы.
Ұрпағы өсіп-өнген, халқының қадірменді қариялары атанған Сіздерді қол ұстасып өткізген 55 жылдық тойларыңызбен құттықтай отырып, мықты денсаулық, көп қуаныш, ұзақ ғұмыр тілейміз! ……… әулеті Сіздердің әлі талай тойларыңыздың куәсі болсын!
Санаттан алынған материалдар "Отау көтерген мерей тойларға"
0
Жандары жайдары, барынша мейірбан, достары көп, тілекшілері мол, ағалық пен даналықты бойына сіңіре білген, «ел» десе егіліп, «халық» десе төгіліп, «Отан» десе өз еркімен жегілетін, қазыналық ақсақал жасына жетіп отырған осы екі асыл жанды мерейтойларымен шын жүректен құттықтап, шаңырақтарына шаттық, баянды бақыт, өздеріне зор денсаулық тілей отырып, өмірдің барлық қуанышын бірге қызықтап, Алланың берген жасын қос аққудай бірге жасап, кісілік келбеттерінен танбай, несібе-дәулеттерінің арта беруіне ақ тілегімізді білдіреміз!
Санаттан алынған материалдар "Отау көтерген мерей тойларға"
0
Күміс тойға аман-есен жету үшін ер төзімді темір, зайып мінезі алтын болу шарт екен. Бұл екеуінің бойына да осы екі мінез ұялаған. Дәл осындай қарқынмен, тамаша қасиеттеріңді сарқып алмай, алтын тойларыңа жетулеріңе тілектеспіз!
Санаттан алынған материалдар "Отау көтерген мерей тойларға"
0
Алтын тойға жеткен бар, жетпеген де бар! Алла өзі іріктеп, бұл күнге алтын жүректі, алтын мінезді адамдарды ғана жеткізеді екен! Төрдегі алтын адамдарымыз аман болсын! Алтын той алға жетелей берсін! Бәрімізде алтын тойға жетейік!
Санаттан алынған материалдар "Өлеңмен"
0
Өмірде сырбаз мінездерінен айнымаған, айналасына шапағатын шашып туған-туыс, дос-жарандарына сыйлы болған Өздеріңе денсаулықтарыңыз мықты болып, Алла берген жасты жасай беруді тілеймін.
Құтты болсын торқалы той қызықтарың,
Сыйлай берсін тек жақсылық ұл-қыздарың.
Қуанта беріңдер тойдан-тойға шақырып,
Туған-туыс, құда-жекжат, жиналып бүкіл жұртың.
Жайқалған орман болып бұтақтарың,
Өздерің ақылшы боп, қорған болып.
Туыстар ортасында жүре беріңдер,
Жұбайлық қос жүректер қатар соғып.
Санаттан алынған материалдар "Өлеңмен"
0
Қырық жыл Құдай бізді сақтағаннан,
Қаншама асу-белес артта қалған,
Қаншама қайрат жұмсау керек болды,
Бітпеуге адал үміт, аппақ арман.
 
Қырық жыл - ауыз үшін айту оңай,
Өткелден өттік біздер талай-талай,
Қайысты қабырғамыз, жан күйзелді,
Аллаға жалбарынып қарай-қарай.
 
Сан рет шаңыраққа төнді қауіп,
Қисайып, орта жолда жүгім ауып,
Тұрғанда, жаутаңдадым жан жарыма,
Ол сонда шығушы еді жолды тауып.
 
Тапқаны - дүниені сірестіріп,
Жинамай, жүрді жұртқа үлестіріп,
Құдайдың күтуші еді несібесін,
Құдай да қоймайды оны түгестіріп.
 
Қазақтың қасқа қайсаң сабаздары
Бас қосты мұсылмандай намаздары,
Соларға дәс татқызып, бата алушы ек,
Сонда да жүрек тозып, жан азбады.
 
Мақтады ақ Бәдешті соның бәрі,
"О, шіркін, жақсы болса ердің жары,
Осындай болсын" деген дауыстары,
Жаңғырып құлағымда тұрады әлі!
 
Зәрем жоқ тіл мен көзден сонда менің,
"Уа, аруақ, уа, Тәңір, қолда!" дедім.
Қолдады, бір ғажайып қуат берді,
Таусылмас дәмім шығар ол да менің.
 
Қырық жыл, қырық дұға, қырық шырақ,
Жағайын, тағы жанға қызу сұрап,
Қасыма келші, Бәдеш, ақ бәйбішем,
Баяғы қыз күніңдей жылыұшырап.
 
Кеш мені, көп қажытсам бейнет беріп,
Сабырмен соның бәрін сен өткеріп,
Қозғалмас алтын қазық секілденіп,
Тұрасың көз алдымда бөлектеніп.
 
Ал, шүкір! Жеттік, міне, қыр басына,
Жан болмас сенен артық ұрғашыда,
Қыпшақтай асыл тұқым, бір нәсілі,
Қасиетін үйіп-төккен бір басыңа!
 
Болғанмен өзің - алтын, жарың - күміс,
Тоздырмай қояр ма оны дүние - тұрмыс.
Солардың бәрін көріп, солқылдамау,
Емес пе бір пендеге оңай жұмыс.
 
Адалсың, жаңа жауған қар секілді,
Биіксің, жібек жабу нар секілді.
Қырық жылда мен мақтамай, кім мақтайды,
Жар болдың, жар болған соң жар секілді.
 
Рахмет, не айтайын, қалқам Саған,
Риза, риясыз ортаң Саған.
Өмірдің қалған жағын біз білмейміз,
Әлі де көз тиер деп қорқам Саған.
 
Бақытым, Ғафурам мен Әлимашым,
Үш қара - мен жасаған жарым жасым,
Сыйлаған сенің маған үш маржаның,
Құдайым тек солардан жарылқасын.
 
Ағайын, айналайын құрметіңнен,
Жерің жоқ ақ көңіліме кір келтірген.
Буйырсын сендерге де осындай той,
Әрқашан орын алып күн бетінен.
 
Шығардым көңіл күйін, жан дыбысым,
Осындай қуаныштың барлығы үшін,
Ғафудың қырық жылдық қазынасы,
Мынау бір шаңырағының саулығы үшін!
Санаттан алынған материалдар "Өлеңмен"
0
Тіршілікте мәнді де, сәнді болып қатар жүре беріңдер. Әр күндерің шуаққа толып, жүздеріңнен күлкі кетпесін, жамандық атаулы жетпесін. Сендердің ғұмырларың ұзақ, өмірлерің жұмақ болсын. зор денсаулық, мол қажымас қайрат тілей отырып, мына өлең жолдарын арнаймыз:

Жеңгемізбен қол ұстасып жүре берші,
Қызығын балалар мен немерелердің көре берші.
Ағайын, туған-туыс, бауырлардың,
Ортасында ақылшы бола берші.
Қалған біз жақсылардың ұрпағымыз,
Жарылғасын ортамызда ұрпағымыз.
Халқыма жақсылықты тілеймін мен,
Көрмесін қиындықты ұрпағымыз.
Санаттан алынған материалдар "Өлеңмен"
0
Жақсының көкірегі-жақұт қойма,
Көпшілік келді бүгін алтын тойға.
Жұптасқан
Тату-тәтті жарты ғасыр,
Өнеге ап,
Сыйластықтың салтын ойла.
 
Әлі де Жібек пен Төлегендей,
Көңілді көрікті ойға бөлегендей.
Қоныпты ұл-ұяға,
Қыз-қияға,
Жар болып, Алла өзі жебегендей.
 
Дәулет пен қонақтапты бақ төріңе,       
Куәміз шалқып – тасқан сәттеріңе.
Алтын той,
Сапар шегіп өткен шаққа,
Жолықтырған секілді жас кезіңе.
 
Өсірдің әдепті қыз, саналы ұлды,
Тек шаттық көнсін шырай ажарыңды.
Елу жыл бір-бірімен шәй деспеген,
Сыйластық сіздердегі болады үлгі.
Санаттан алынған материалдар "Өлеңмен"
0
Келеді жыр сыйлағым, гүл сыйлағым,
Жанымның жайып салып тылсымдарын.
Махаббат боп маздаған мына ғалам,
Бақытты жанұяның білсін барын.
 
Кеткен бе ширек ғасыр жылжып өтіп,
Қуантты қызғалдақтай ұл-қыз өсіп.
Ағамыз алақанда аялауда,
Ақ гүлдей асыл жарын үлбіретіп.
 
Қабағынан түсініп ер көңілін,
Жабырқатқан кезі жоқ жансерігін.
Жеңгеміз жиырма бес жыл болды бәйек,
Ағаның көтерумен еркелегін.
 
Ассақ та тіршілктің сан асуын,
Таусылмас арманы адам баласының.
Күмбірлі күміс тойлар айғақтайды,
Жүрек пен жүректердің жарасымын.
 
Жылжыған бұл уақытта дауа бар ма,
Жетелеп бара жатыр заман алға.
Ақ босаға есігін имене ашқан,
Күміс той жас дәуренді салады ойға.
 
Алда әлі думандатар сайран көп күн,
Күлімдеп күміс тойға жайнап жеттің.
Күміс той – алтын тойға есік ашып,
Күндерің шалқып-тасып тоймен өтсін.
Санаттан алынған материалдар "Өлеңмен"
0
Алтын той тіккен отау қарға қонсын,
Ақ жүзің алақандай нұрға толсын.
Мұстажап менің батам қабыл болса,
Үйіңе Қыдыр ата келіп қонсын.
Қара су мал жериді лайыңнан,
Тілей көр күнде тілек Құдайыңнан.
Мал басың дәулетіңмен бірдей өсіп,
Тәңірім айырмасын жұбайыңнан.
Шырағым қадірлі екен кере басың,
Ауызда бал татиды берген асың.
Мұстажап менің батам қабыл болса,
Алдыңнан ай-күн туып жарылқасын.
1-10 11-20 21-21
Біз әлеум.желідеміз







Әзірленіп жатқан жобалар...
Күрке

200
Сұрау
Бұл пайдалы
Ежедневные курсы валют в Республике Казахстан


Сіздің қалаңыз дұрыс анықталмаса, басқа қаланы таңдауыңызға болады.

Ak-Sakal жобасы "Қазақстан" сайтының тақырыптары.
ҚР Мемлекеттік рәміздер

Ak-Sakal жобасы "Қазақтар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Пайдалылар" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.

Ak-Sakal жобасы "Ойын-сауық" сайтының тақырыптары.
Аталған тақырыпқа әлі бір де бір сайт жасалған жоқ.
Көрсетілген қолайсыздықтар үшін кешірім сұраймыз.